0
يبدو ان الصراع الحياتى التقليدى بين الرجل والمراة,قد اخذ اشكالا ووسائل
جديدة,فحرارة النكات ارتفعت بين
الطرفين ,وزاد الانترنت من سرعتها وانتشارها,واليكم بيان ببعضها,حيث يبدا الرجال باطلاق اولى الطلقات الساخرة فيقولون :-
*س/ما الفرق بين الرجل والحمار؟
ج/ان الحمار لا يتحول الى رجل بعد الزواج .
*ذهب رجل يبكى فى المقابر بحرقة ويقول:انت السبب,مت ليه بدرى, ماكانش لازم تموت, ماكانش لازم تموت, فذهب رجل ليطيب خاطره وقال له:استغفر ربك يا اخى كلنا سنموت, بس اكيد المرحومكان غالى عندك, هو كان ابنك ولا اخوك,فقال الباكى:لا ابنى ولااخوياولا عمرى شفته, ده الراجل اللى انا اتنيلت ةاتجوزت ارملته بعد ما مات .
*اذا كنت عايز مراتك تسمع كل كلمة تقولها باهتمام, اتكلم وانت نايم .
*حالتان لا يفهم الرجل فيهما المراة, قبل الزواج وبعد الزواج.
*رجل ذكى +امراة ذكية =حب
رجل غبى +امراة ذكية=فرير والماظ……………..
رجل ذكى +امراة غبية=نزوة
رجل غبى +امراة غبية=زواج
*الطفل لابيه:هو الجواز بيكلف كام؟
الاب :كتير يابنى بس مش عارف كام بالضبط لانى لسة بادفع التمن لحد دلوقتى .
*لماذا خلق ادم قبل حواء؟ ليحصل على فرصة للكلام .
*الاول : نفسى اتجوز واحدة حلوة وغنية وذكية وطيبة
الثانى:لذلك سمح لك الشرع باربعة.
*جلست الزوجة بجانب زوجها الذى يودع الحياة , تنظر اليه بحنان , فامسك يدها قائلا :لما اترفدت وقفتى معايا, ولما شركتى فلست كنتى معايا , ولما بيتنا اتحرق وقفتى جنبى, ودلوقتى انتى برضه جنبى, مش عارف ليه حاسس ان وشك نحس .
وبالطبع لم تسكت بنات حواء على هذا السيل من النكات الذى ينال منها ومن كرامتها,فاعدت عدتها ونشبت اظافرها لتقتص, وكان هذا جزء من الناتج :-
*ماوجه الشبه بين الرجال واعلانات التليفزيون؟
ما فيش واحدة عاقلة تصدق ده ولا ده.
*كيف يعتبر الرجل نفسه متعاونا فى الاعمال المنزلية؟
بان يرفع رجليه من على الارض لتكنس الزوجة تحتهما.
*لماذا لا يحسن الرجال التعبير عن احاسيسهم؟
ياباااااااااااااااااااااا ااى وهما دول عندهم احساس.
*كيف يفهم الزوج تقسيم المهام مناصفة فى المنزل؟
هى تطبخ وهو ياكل,هى تكوى الملابس وهو يكمرشها,هى تنظف البيت وهو يبهدله.
*ما الحالة الوحيدة التى يطلب فيها الزوج من زوجته تناول العشاء على ضوء الشموع؟
لما الكهربا تقطع.
*كيف يمكن التمييز بين هدايا الزوج الودية وهداياه لما يكون عامل عملة؟
الهدايا بتبقى احلى كتير فى الحالة التانية .
*كيف يمكن لفتاة اكتشاف روعة الحياة بدون زواج؟
بان تتزوج .
*ما وجه الشبه بين الرجال والطقس ؟
لا يمكن تغيير اى منهما للافضل .
*ما وجه الشبه بين الرجل والشهادة الكبيرة ؟
بتضيعى سنين من عمرك عشان تحصلى عليها وبعدين ماتعرفيش تعملى بيها ايه.
*متى يتذكر الرجل ان المراة تفتقر للتفكير المنطقى ؟
عندما تختلف معه فى الراى .
*تلاقى فين الراجل اللى ما بيبصش لست غير مراته ؟
فى الترب .
*الست اللى عارفة جوزها بيبات فين كل ليلة , تسميها ايه ؟
ارملة .
يبدو ان المعركة حامية ومشتعلة ,عموما حرب النكت اهون كثيرا من حرب السواطير والاكياس البلاستيك, والايادى الممتدة –مش للسلا مات طبعا - .
طبعا ده مش للسخرية من اى حد هى فقط ظاهرة منتشرة وحاولت تجميعها
